Kona-ba Illa Ataúro
Illa Ataúro mak Timor-Leste nia illa ne’ebé boot liu no rekoñese ona husi Governu Timor-Leste (GoTL) nu’udar área krítiku ba biodiversidade tasi no terestre.
Illa ne’e nia populasaun hamutuk liu 11,000, destribuidu iha suku lima. Atividade moris loro-loron domina husi dependensia ba rekursu naturál no servisu ekosistema sira, inklui:
- Agrikultura
- Hakiak animál
- Kail ikan
Estratéjia Turizmu Sustentável
Iha 2019, responde ba númeru turista ne’ebé aumenta hakarak vijita illa ne’e tanba ninia paizajen ne’ebé furak no nia natureja úniku, prodús ona “Estratéjia Turizmu Sustentável Illa Ataúro” ida ho apoiu husi USAID’s Tourism For All Project.
Planu Jestaun Sustentável (2021–2025)
Atu kompleta estratéjia turizmu ida ne’e, Ministériu Agrikultura no Peskas (MAP) identifika ona nesesidade atu iha Planu Jestaun Sustentál (PJS) ida ba área ne’e.
Objetivu PJS ne’e mak atu:
- Apoiu no guia dezenvolvimentu sustentável illa Ataúro
- Proteje komunidade sira ne’ebé depende ba illa ne’e nia rekursu sira
- Kobre períodu tinan lima (2021–2025)